SORMENA Peer Reviewing project delakoaren barruan, Deustuko Unibertsitateak eta ENCATCk bi espedizio diseinatu dituzte, erakunde publikoetako ordezkari eta artistentzat, Dortmund-era (Ruhr, Alemania) eta Bristolera (Erresuma Batua), proiektuan paper eragilea izan dezaten.

SORMENA Peer Reviewing project-en helburua da kulturaren eraginaren ebaluazioaren erronka irakasleek, artistek, administratzaileek eta herritarrek diziplina arteko era batean bizitzeko bide bihurtzea. Lankidetza berezi horretan partaide izan zaitezke, Europako sormen-gune bizienetariko batzuk ezagutuz.

Dortmundeko eta Bristoleko espedizioen barruan sartzen dira:

• hiri horien sormen-guneen bihotzean dauden lau kultura eta sormen industriatarako bisitaldi teknikoak;
• focus group bat, tokiko kultura eta sormen industrien eraginari buruz;
• egungo joerei buruz ikasteko aukera, Europan kultura eta sormen industriek izan ditzaketen gizarte eraginen etorkizuneko garapen, ebaluazioko ikuspegi, adierazle eta metodologiei buruz;
• nazioarteko ideia eta lankidetza proiektuen trukean parte hartzea;
• hainbat herrialdetako irakasle, ikertzaile, profesional eta artisten liderren sare bat sortzea.

Proiektuaren emaitzak Bilboko azken goi-bileran aurkeztuko dira (2016ko udaberrian). Goi-bilera horretan, bisitaldi teknikoak egingo dira, Bilboko metropoli-eremuko kultura eta sormen industrietara, eta bilerak egingo dira tokiko eragileekin.

Argibide gehiago