Deustuko Unibertsitateak garatutako proiektua abian jarri da eskualdeko udalerri guztietako 280 gazteri egin zaien inkesta batekin. Emaitzak urtea amaitu aurretik jakinaraziko dira, eta horietatik abiaturik, udalek eta Mankomunitateak arlo horretan burutu beharreko ekimenak optimizatuko dira.

Proiektuaren helburuak honako hauek dira: genero berdintasuna sustatzea Bizkaiko gazteen artean, genero berdintasunaren inguruko ezagutza, balioak eta usteak aztertzea Arratiako gazteen artean; emakumeen eta gizonen arteko berdintasuna gazteen artean zertan den erkatzea Europa, estatu, autonomia erkidego eta lurraldekoekin; arlo horretan Arratian dauden elkarteak ezagutaraztea; jasotako informazioa aztertzea, emakumeen eta gizonen berdintasuna sustatzeko politiken ikuspegitik; eta, azkenik, ekimenak sorraraztea, proiektuak martxan jartzeko gazteen beharrizanei buruzko informazioa izan dezaten udalek eta Mankomunitateak.